arablog.org

طرابلس تعرف الي أنا توحشتك ؟

توحشتها المزيانة الغزالة المتربعة جنوب المتوسط
توحشتها البية ، المسمية ، العالية الغالية القريبة البعيدة ذكريات مع ليبيا
طرابلس الزينة ، الحنينة الي ما مملكها حد ..و ما غلبها حد
نحكي على طرابلس الليبية … الي تفهمني و نفمهما
نكلمها بالتونسي و الفرنسي و بالطالياني و بالشلحة و بحديث أولاد الجبل
راها تفهمني و كي نبكي كانت تحضني و تهزني بهواها لبعيد لبعيد
بين شوراعها تغطيني و بجبالها تحميني وبريقها ترويني
تتفكر يا طرابلس ؟ كي نشرب قهوة على الكرنيش ؟
و نضحك بالصوت العالي و انت تقلي أسكت لا يجاوك الرجال .
.أسكت هوني راهم يموتوا في نساء تونس ..أسكت راني نخاف عليك
وأنا مكنتس نسكت .نقلك ميسالش راني فرحانة بيك .. و نحبك
كنت انت وقتها تضحك تقلي زايد راسك صحيح ماك تونسية ؟
تتفكر كي كنت نسيب شعري و نمشي لقهوة المدينة الي مقابلة المنغالة ؟
و لا كي نغني و انا نترشف في قهوتك الطرابلسية على كرنيش شارع الاندلس ؟
اوه محلاك يا تيربوليس و محلى أيامك …
تعرف يا غالية الي انا بعيدة عليك بالجغرافيا
و لكنك في قلبي بالتاريخ و بالهوية و بالحب و بالعشرة
و بكل شيء ..
تعرف الي أنا توحشتك ؟

Leave a Comment

لن يتم نشر عنوان بريدك الإلكتروني. الحقول الإلزامية مشار إليها بـ *