arablog.org

محسن عامر مقاوم من زمن نفطة

يقدم ذلك الفتى المخضرم منذ أسبوع على إضراب جوع من أجل حقه في العمل ،فهو من بين الطلبة المفروزين أمنيا و المحرومين من حقوقهمه الإقتصادية كغيرهم من المغضوب عليهم في تونس . أكثر من خمسة و عشرين طالب و طالبة دخلوا في إضراب عن الطعام متحدين بأمعائهم الخاوية حكومة الحبيب الصيد التي لا تختلف عن الحكومات المتعاقبة على تونس الثورة و الديمقراطية في غض الطرف عن حقوق طلبة الاتحاد العام لطلبة تونس المحروم منضاليه من حق الشغل بسبب الملاحقات الأمنية و استمرار سياسة بن علي في تصفية الحسابات من كل مختلف .
تحت عنوان لن نخضع إلا في المقابر يضرب محسن عامر عن الأكل، ذلك الشاب الأسمر المخضرم صاحب الأشعار و السيجارة الخفيفة . محسن من لا أصدق خبر جوعه ، لأني أعلم جيدا مصادر التغذية و منابع الحياة عند هذا الفتى فهو يعيش بريح نفطة و عبق نخيلها الشامخ الذي يرى نفسه فيه، فهو رغم صغر سنه إلا أنه باسق الطول كما النخيل ، يدلي بطبيبته و بأفكاره للجميع كما يدلي النخل بظلاله على الناس دون استنباء و دون تمييز لكن تلك الطيبة و التواضع لم يستطيعوا إخفاء الفتى المغرور المزهو بنفسه و بتاريخه ، فهو إبن النخيل و في نفطة لكل نخل اسم قبيلة و عنوان لثورة و بيت قصيد أو معلقة و تراتيل صلاة لمتصوف إتخذ من جذعها سندا له في رحلته …
فكيف لي أن أصدق أصدق خبر جوع فتى يستقي ماؤه من محراب الشيخ سيدي بوعلي و يتنفس من هواء موسيقى جبال الشمال حين نغني للحب و للمقاومة و حين نلعن بخلالنا أخبار الصبابيحية ففي تلك البقاع النائية عن مدينة القاف لا تنسى ذاكرة النساء خائني الوطن فتراهي بوشمها تمضي و بحنتها المخضبة على خصلات شعرها تمر شامخة أمام الجالسين لتذكرهم بالثأر و بالدم حين تسأل عن أخبارهم …
من عبق حنة و عمق الوشم يواجه محسن جلاده و يقاوم قائلا لرأس الحكومة السيد حبيب صيد :
*قررت إني نكتبلك بالدارجة سي لحبيب لأنها هي إلي تنجم تعبّر . أنا اليوم و أنا نخدم في عملي الوضيع تفكّرتك , و راس النبي كان تفكّرتك , قلت نكتبلك رسالة شكر بعد الطرح الماسط متاع المفروزين أمنياا إلي دام أشهر و انتهى بحركة الجنباز متاع لمهفات إلي جابتنا نسفوا في التراب و نبدو نفكّروا من جديد من نقطة الصفر كيفاش باش نضيّيقوهالك إنت و حكومة التبلعيط و الترهدين . أنا أ سيدي جا على بالي نكتبلك جواب نشكرك فيه إنت و الصطاف متاع الخدامة متاعك في الوزارة . شكرا لأنوا بعد سنوات من اليأس و الإحباط اعطيتني أشهر متاع حلم موشو نورمال … أي تصدقشي بالله , عديت شهر شايخ مشيني معدل أصل أ سيدي حلمت إني بديت نخدم وهزيت قرض و عرست و جبت صغار , و راس النبي ما نكذبش عليك كي نقلك راني عاركت المرا على جلبانتها الماسطة و نڨرزت على الذر و حسهم . مانيش نكذب عليك انت رئيس حكومة كونديسيون برشا برشا , ما ڨديتش توفر الخدمة اعطيتنا شوي مخدرات , أشهر يا بو ڨلب و أحنا موظفين و طلقنا وضعنا البروليتاري الرث , سمحني بروليتاري رثّ في سبرنا جماعة الڨوش معنتها المحتحت طول لمنتف لمڨرّد إلى لا في حيلتوا و لا بعصوص الڨط. أنا راني بيني بينك ما جدتش عليا ماهو يوما تقول المتعوس متعوس كون يعلّق على باله فانوس.كيفاش النظام إلي عدينا سنوات حنا وياه كي الڨط و الفار و متعبينلوا أمورو عيجي يخدمنا و زيد كي دخلت و وشفت هاك الحمروط سيد بلال ما رتحتش , حنا مانا أجلاف البدو ما نرتحوش للنعومة و الكليماتيزور و الإبتسامات متاع البلدية . ما تدخلش الراس طول هاضي أما ڨلت برا بركا الدنيا المشڨعبة تشوف منها كل شي , أما ڨلّي سي لحبيب ياخي وشبيكم تكرهونا ؟؟؟ وجوهنا خايبا ؟؟ مكلحطين و عربان من دواخل لبلاد ؟؟ ماناش كونديسيون ؟؟ شبيكم ما تحبوناش سي الحبيب ؟؟؟ تتعاملوا معانا و كأنا الجمرة الخبيثة و إلا عدوى متاع إدز ؟؟ أنا نعرف يوما سي الحبيب تفرز العدس تخرج منوا الحصحاس و التراب و تخلي العدس , تطلعش كي فرزنا طلعتنا حنا الحصحاص سي الحبيب ؟؟ حنا العدس سي الحبيب حنا العدس سي الحبيب*…..

Leave a Comment

لن يتم نشر عنوان بريدك الإلكتروني. الحقول الإلزامية مشار إليها بـ *